Lakey lo sit > Chroniques > Oté
« La brèz dsou la sann »
In kozman pou la route
samdi 27 avril 2024, sanm
Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami, zot i koné la brèz, zot i koné la sann Zot i koné la brèz sa i bril drolman pars sa lé drolman sho. La sann ossi i pé z’ète sho, mé pa si tèlman konm la brèz. Solman i pé arivé k’lé dê imaye ansanm é in sinp pti kou d’briz é la flamm i démar.
An déor la brèz pou vréman, la sann pou vréman, la flam kossa sa i fé panss azot ? Pou mwin sa i fé panss amwin in karaktèr d’moune. I diré li lé tidousman donk li sé la sann é toudinkou li pète an flèr, li lèss oir son mové koté...
M’a dir azot mi koné d’moune konmsa. Biensir mi préfèr zot koté sann é mi kroi sé sa mèm lo pli éssanssyèl shé zot. Sann zot ; Alé oir ou !
Kroi aou, sé la brèz lo karaktèr, é si wi obliye in n’afèr konmsa li lé kab bril oute zèl. Alé ! Mi kite azot rofléshir la dsi é ni artrouv pli d’van, sipétadyé.
Justin
