Comme un ordinateur qui cherche à se connecter

Parfois, quand le soir tombe, au lieu de regarder la télé, on prend un livre, on le feuillette, on zappe certaines pages. Tout à coup, on tombe pile sur une photo, en noir et blanc, ou plutôt en gris foncé et en gris clair. On fait travailler son imagination, on cherche et on cherche encore comme un ordinateur qui essaie de se connecter.
Mais qui est donc cet homme-là ? Je le connais pourtant : un homme grand, mince, encore jeune, tout habillé de blanc, un petit sourire derrière une moustache fournie, les cheveux lisses, brillants, sans doute quelques gouttes de brillantine. Un jeune galant, à qui les yeux des filles disent oui par avance dans le grand salon de bal de l’hôtel de Ville. Avant qu’il ne leur fasse sa demande d’une danse.

Gillot s’endort profondément

Sur la photographie décolorée, l’on voit Monique. C’est qui Monique ? C’est le nom que l’on a donné à l’avion de Maurice Samat, car c’est bien lui que se trouve sur la photo à côté de son avion. Maurice Samat, l’aviateur réunionnais.
Comment lui est donc venu cette idée de faire voler des avions et de piloter dans le ciel réunionnais un oiseau de fer ?
Vous vous souvenez de l’expédition de Goulette et de la passion qu’elle a soulevée chez les compatriotes de Roland Garros ? Vous vous souvenez de la présence à Gillot de la quasi-moitié de la population de La Réunion venue en charrettes, en camions, en voitures ou à pieds, surtout à pied ? Les discours, “La Marseillaise” et les flonflons de la fête... mais après, il y a eu le départ de l’avion et Gillot est retombé, à l’ombre des filaos, dans son sommeil pesant car jusqu’en 1933, les avions s’arrêtaient à Madagascar.

Le voici qui se lance dans l’aventure

Il est plus que certain que c’est l’exemple de l’avion Goulette qui a encouragé Samat dans son aventure. Faut-il de l’argent ? Il n’en manque pas ! Faut-il des idées, l’esprit d’initiative ? Il en a à revendre.
Il part pour la France, y passe son permis de piloter des avions. Il achète son propre avion, le démonte et le charge sur le “Leconte de Lisle”, bateau qui fait le commerce avec l’océan Indien.
Une fois à La Réunion, il remonte son avion en quatrième vitesse et prend son envol.
Quelques jours après, les gens se pressent à La Possession pour assister au baptême de l’avion par Monseigneur de Beaumont en personne. On donne à l’oiseau de Samat le nom de Monique, le prénom de la propre fille de l’aviateur.

G et R. Gauvin 

Lavé in foi... Zoizo Samat

Konm in l’ordinatèr i rode pou konékté

Dé foi déssi l’tar, plito k’rogard télé, ou i trap in liv, ou i tourn-tourn in pé la paz, ou i zap in pé. Tou d’in kou, ou i tonm déssi in foto dann tan lontan : noir é blan, mé lo noir i tonm in pé gri fonsé é lo blan sré plito gri pal, mé la ou i fé tourn out mazinasion, i tourn mèm, konm in lordinatèr l’apré rode pou konékté.
Outor ! kisa i lé boug-la don ? Poitan, mi koné a li... Koman sa i apèl ankor ? In gran boug mins, ankor jènn, son linj blan o t’an ba, in fine sourir dann koin la lèv, déyèr son pti moustash, shové lissé, ralé an aryèr, somanké in pti dégou la briyantine pou fé bien briyé. Pou in jènn jan karnèr, sé in jènn jan karnèr, paré pou anvoy la dans dann gran salo lotèl dé vil ; lo zié bann jènn fiy dirèk’i di oui mèm si li la pakor poz la késtion.

Zilo i artonm dann in somèy profon

Déssi son foto, mi oi Monik. Monik ? Oui, sa lo nom li la done son laviyon. Lo boug i apèl Moris Samat, in laviatèr rénioné.
Koman lidé laviyon la vni dann son tète don ? Zot i an souvien lané 1929, kan laviyon Goulette la poz déssi térin Zilo, tout demoun sak la gingn vnir la vni ; kisoi an loto, kisoi an sharète, kisoi a pié, la moitié La Rénion té la, konm la niabou arivé : drapo oté ! diskour waya ! shanté “la marséyèz” !
Mé in foi la fète lé fini, laviyon la fine ropartir, Zilo i arplonz dann son somèy, Zilo i gingn tatane, li ral son karang dann lonbraz filao pars ziska 1933, laviyon la Frans té i kal Madégaskar.

Ala k’li lans ali dann lavantir

Lé pliské sir laviyon Goulette la done Samat l’idé : amènn laviyon, vol dann syèl, toultan li pans, li pans, é li arpans sa mèm. Li ari pi rès an plas. I fo li bouj !
Kosa ? I fo larzan, éli nana an sifizans ! I fi an aoir lidé ? É li nana arienk sa dann son tète. Azout avèk sa lo kèr ; sa i mank pa li sa ! La pa li pou rète rakokiyé dann la krintiv ; la pa la mèr va fé pèr ali. La mèr i anbar pa pèrsone sa ! Sirtou pa Maurice Samat.
Li sé d’kol shomin pou alé la Frans pou pass son pèrmi amènn laviyon. Li sé d’ashté in laviyon, mète sa an piès é démont sa pou li anbark sa déssi bato i apèl “Lekont Délil” i sava La Rénion dann tan-la.
Dé k’li ariv, li fé la vitès pou armont laviyon-la é li pran lo syèl. Kèk zour apré, demoun lé foulé déssi térin La Possession pou oir Monségnèr d’Beaumont apré batiz laviyon-la, pou done ali lo nom “Monik”, lo nom la fiy Maurice Samat.

G et R. Gauvin