Katastrof dann Japon, Pé s’fèr in tablatir inkroiyab pou d’moun ?

Zot i koné, in gran katastrof l’ariv la-ba dann Japon. La komans par in gran tranblémann-tèr for-mèm : uit-virguil nèf déssi l’éshèl Richter, i ansèrv pou mézir la fors bébète-la. Aprésa, konm lo tranbléman la éspas dan la mèr, la fé in tsounami. In gro vag la déboul déssi la tèr, in otèr pa kroiyab, épi in kantité d’lo ni mazine mèm pa. Si tèlman k’i koné pa konbien déga sa la fé pou vréman, konbienn moun la tyé, mé sirman plizyèr dizène mil. Vi k’nana in bann vil, vilaz la krazé nète. La pankor fini pars, so (...)