« In moun l’aranj ali ! »-In kozman pou la rout

Sa lé dann l’aktyalité sé tan si ! I di pa, la-ba Sin-Lui na in gourou l’aranj in bann jenn fiy ? Vérité, mansonjri, kroiyans lo sor ? Moin pèrsonèl, mi koné pa arien dann tousa. Solman sak mi koné, sé k’ isi la Rényon, demoun nana kroiyans lo sor. Pa sito ou la gingn in kou d’kongn, mèm in pti, ou l’apré sèy savoir kisa la zète aou in sor.

I ariv aou kékshoz, mèm si sé par out fote, out famiy i sava oir dovinèr pou konète kisa l’aranz aou. Souvan dé foi, i ariv z’afèr grav : i défons la kaz, i ariv a tyé dmoun. Tousa par la kroiyans los or.

Mi koné pa kosa zot i anpans ! Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni ariv a z’ète dakor rantre nou.