Té in santèr téi di sa, Jacky Lechat. In zour, shépi ékèl moun la prièr bondié pou gingn loto, lo bann bon niméro. Afors prié, li la gingn in bon kou-d loto. zistoir-là i di pa nou kosa l’ariv laksidanté. Sa po dir kosa.

Oté, somèn sékirité routièr té pokor komansé, ala in motar i pèrd la vi la ba Sin-Lé. Toultan n’i antann minm shoz. In mor dési tèl rout.
In loto la palanké akoz la vitèss. Tèl ti moto la krazé. Ala sat i fim, ala sat i boir, ala sat i boir é i fim. Zot i rapèl bien kosa la di : Boir ou konduir, i fo shoizir. Shoizi bien.

Pandan la somèn-là, normalman tout la bann i doi prann konsianss, la rout la pa pou fé lo fou. Normalman, toutlané, n’i devré konprann sa.

Justin