Volkan la pété. Li kado anou in nouvo morso la tèr, po planté, po konstruir, dawar po dévlop La Rénion èk Sophy Rotbard, dé plastisiène danzéré vèy pa, la mazine alé fé nèt in pèp, èk in zavan san papié kom roi. Sa in zistoir i rakont dizon listoir limanité. Sé in nouvo performans plastik, èk bann instalasion artistik plasé koté shemin volkan, ant Sintroz èk Sin-Filip. Bann touris té kroi navé dé lespri shaboulé an trinn fé bril la po Jeanne d’Arc. Non, sa bann skiltir là té an koton, po sinbol fénésansaz in pèp frazil, preske transparan. Le zavan san papié, in pèrsonaz Hélène Coré la fé nèt dann lespozision "Errance" - téi koz dési larlik la frontièr rant Moun Limanité - in personaz i kontinié viv son tousélaz. Son zistoir, lé forsé, i kontinié amèn son vi, ziska li la trouv in bout la tèr i arpartien pa pèrsone, vièrz, doné par volkan, kado po bann zanfan i vien dérièr. Somanké, in san papié i pé anfin trouv in plass po li resté. Dawar mèm li va gingn fé viv tout inn kominoté, dan rèv lantant koudmin, anfin. Dési in tèr noir volkan, boukané ansanm la fimé, dawar va trouv in gou la tèr po fé lèv la vi, po songn in fami, san trikmardaz papié, san gout le san testé, la loi fransé la demandé.

Bbj

Si zot i vé voir la vidéo, alé dési http://artsenik.artblog.fr/

Conférence Axel Gauvin à l’Entre-Deux

Axel Gauvin donnera une conférence au CALE de l’Entre-Deux aujourd’hui à 18h00.
Les contenus qu’il abordera : Lire, dire, écrire en créole.