(Page 16)

Dann in lèt adrésé tout bann zadéran sosialis’, François Hollande i remèrsi tousat la vote pou le “oui” o référandom, mé osi sat la vote pou le “non”. Ènn ti "délikatès’" la pa vni a lidé la Fédérasion sosialis’ La Rénion dann son lotokritik. Mèrsi Gilbert Anette !

Pou le rèst, lokal ou nasional - é mèm si François Hollande i afirm pran son "part de responsabilité" -, kifkif bouriko dann lanaliz. I sazi dépass’ o pli vite "le clivage “oui”-”non”" pou travay o pli vite "sur nos idées et notre projet" ! !

Le bann zidé é le prozé an kèstion, sé zistoman sat la été sanksioné par la popilasion le 29 mai, notaman par la mazorité zélèktèr sosialis’.
Rotromandi : le P.S. i invite anou tir in tré si le 29 mai pou mié... noiy anou dann son mové rèv in laltèrnans’ an kifkif bouriko ! ! !

Justin