Moin té pou koz ék in dalon si nout kiltir kréol, nout kiltir rénioné. Pou soubat si kosa lé kréol ? Kosa lé rénioné ? sirtou dann ron téat, sansa liv. Sé pa si in moun i ékrir in liv an kréol si bann Outou, i fé in liv kréol ? Sé pa si in moun i rés dann Groënland i ékrir in liv an kréol si bann l’igloo, i rannt dann ron rénionité ? kréolité ?

Na in bonpé késtion.

Sé pa si in piès mazambik i koz ankor ék nout fonnkèr ? Si nout kèr i bat ansanm in blues ? In liv i koz nout péï, nout pép, kinm an fransé, kinm pa in moun la nét La Rénion, sé pa si i rant dann ron rénioné ? Akoz pa dann ron kréolité ?

Justin