Kri amwin Karim, kri amwin Maya
Anavi Simbi, Saouly, Dhara
Mwin zanfan la tér, koulér mon solèy
Mwin zanfan la tér, koulér mon péi

La’fé dann féklèr, la’fé dann fénwar
In zékli zétwal minm la line o’plin
Pti zik larkansyèl dann kér gro solèy

T’i di
M’i arsanm pa twé, mwin lé konm étranz
Konm ki diré mwin la pa domoun
M’i di
Dann mon kér la pwin sak i rongn atwé
La’souk brin solèy monmon la’songné,
La’souk brin la vi anba lorizon.

Ayo !
Pokor kapayé la’fine tir mago
Dann patte sal la lwa out kanar lé nwar.
Malér !
Konbien Ousékine la’fini kiné
Oui marmay la kour la’fine gingn zot doz
Tou-lé-zour n’ankor i goute la mandoz.

Kri amwin Lounès, kri amwin Kaya
Lumunmba Biko, ElyarLaude Rico
Mwin zanfan la tér, koulér mon solèy
Mwin zanfan la tér, koulér mon péi.

Kér nwar !
Rod pa ki ki pèrd, rod pa ki ki gingn
Volér la’pasé, la’fine akizé
Kriké !
Kinm dann grofénwar : navé pwin la line
Té la’vi dé nwar po désot baro
Té la’vi dé nwar lété po sové.

Foutar !
Mor pa sanm la raz, fé pèt boubou là
Lès brin lamour gob out santiman
Sréti !
In pti pé rèspé, la’pa tro d’mandé,
Rouv pti gine ton kér, lès pa li séké
Grènn moulal komèr, lès lamour rantré.