Moin té kroi bètman la piblisité lété konm in tan d’pasaz bann zanonsèr té ashté pou fé zot réklame dann la télé. Évidaman, sélon lèr lo zafèr i pas’ é sélon le nonb de pasaz, lo pri lé pa parèy. Mé lo zafèr lé pli konpliké, é, sirtou bokou pli grav !

Patrick Le Lay, le pédézé TF1, la larg lo morso dann in liv i vyinn sorti (1). "Le métier de TF1, c’est d’aider Coca Cola, par exemple, à vendre son produit". Mé pou sa, i fo prépar le téléspèktatèr, pouk li kape lo mésaz. Koman ? An randan son "sèrvo totalman disponib"... !!

Pou li, lo bann zémision rant dé pub na pou sèl vokasion détann lo téléspèktatèr pouk li akèy mié la pub. Li ézit pa di : "Ce que nous vendons à Coca-Cola, c’est du temps de cerveau humain disponible".
De koi rann nout sèrvo indisponib pou TF1...!!!

Justin

(1) “Les Dirigeants face au changement” (Éditions du Huitième Jour).