In zèn fanm la été lashman agrésé é son zanfan bouskilé dann métro, laba Paris. Sou prétèks li soré in juif, son bann zagrésèr la pa ézit lard ali koud’kouto avan sign zot forfé èk détroi kroi gamé. In lakt rasis inkalifiab !

Azistorézon, toute do moun lé indigné par se barbari. In soz ni devré pi voir anout lépok. É lé souétab léta fransé i donn ali anfin lé moyin pou lite vréman kont le rasism. Lite kont le rasism, mé sou toute son form, évidaman !!

Parske se zafèr-la i ariv apré bonpé dot zafèr ousa, notaman, nout bann konpatriot lémigrasion lété vizé. La pa an métan lo bann plinte Kréol dann la poubèl, sou prétèks désèrtin polis lé mayé d’dan, i pran lo shomin in sirso kont lo rasism !!!

Justin