(page 16)

Pou le sosialis’ Jean-Claude Fruteau, té falé sirtou pa Rénioné té "done kou in d’ pié dann zot zasiète manzé" par le vote “non” pou référandom. An votan “oui”, sélon li, le famé zasiète noré été plin... ad vitam éternam !

Sof ke, ièr dann Parlman eropéin, lavé in vote si le rapor Bögge parapor bidzé l’Europe pou 2007 - 2013. In rapor don le konténi lété koni bien avan zélèksion : rèstriksion bann krédi l’Europe. Sé mèm pousa, notaman, Rénioné la vote an mass’ pou le “non” o référandom ! !

Ben mazine azot, Jean-Claude Fruteau la vote kont le rapor Bögge. Poukoué donk ? Apré la viktoir le “non”, li doute zordi si "la capacité de l’Europe à mener des politiques socio-économiques efficaces". Li krin osi pou "la viabilité de l’organisation commune du marché du sucre"...

Ni pé èt sir in zafèr : Jean-Claude Fruteau la pi fin. Li la manz son shapo ! ! !

Justin