Linité é l’UMP, sa dé mo i komans paréy mé i rim pa di tou ansanm La Rénion. Si tout bann boug la droite la ni antour zot garson kom in Debré an puisans, ni koné tout so bann komandèr va batay ant zot pou war kisa va giny mani lo shabouk boug la i sa doné pou pouak anou.

Kél linité ? Dann l’UMP La Rénion ? Na poin inn la mank lapèl ièr, mé zordi ? Mé domin ? Kosa i sa fé la relèv ? Lo ran zonion i sar roussi dann marmit, i sa pét an luil so. La foto la fini, la pa trouv la lézann. Dalon, té sér pi la min la fé béko, mé la paf é kari la lang...

Justin