Èl téi apèl Niama. Èl té né la-ba dann Sénégal dann in péi té i apèl Péi do l’or. Son papa té roi. Dann tan-là, bann moun lavé vilin manyèr, zot téi èm fé la guèr ant zot. In zour, lo roi Péi do l’or la pèrd la guèr : Lo bann vinkèr la tyé ali avèk son bann garson épi la vann Niama konm zésklav. Aprésa, l’amèn ali dann l’il de Frans (Maurice).

Niama té jèn, lo mètr lavé poin madam. Inn la fonn pou l’ot épi zot la fé ménaz. Zot la vni L’il Bourbon : zot la rès dann kartié Sin Pièr ousa lo mètr lavé gingn in bout la tèr dann in landroi téi apèl Lislet par koté bassin Plat.
In garson lé né lané 1755, la apèl ali Jean-Baptiste Lislet. Lo marmay lavé bone tèt : son papa la aprann ali sak li té koné, li la aprann in bonpé zafèr dann son métié zéomètr épi kartograf. Apré, li la korésponn avèk lakadémi dé sians an Frans.

Savan-là, zot i koné son nom : li té i apèl Jean-Baptiste Lislet-Geoffroy. Son momon té i apèl Niama, Son papa té i sort la frans, li téi apèl Jean-Baptiste Geoffroy.

Justin