Wa di sa, ou ? Apré shikungunia, voila pa Diwa ! Lapa pou di mé, a sak bèzman, La Rénion i done pou voir son lékstrèm frazilité. Kan lapa la santé, sé laménazman le teritoir. Le pir, sé kan toute i pète an mèm tan !

Lé vré nou lavé bézoin delo, é nou la ginyié. Mé dék i tonm inpé plis’, nou lé noiyé. Afors konstrui niportou-niportkoman, delo la mèm pi bézoin in fonn rivièr pou fé le li. Li anprinte la route konm ninportakèl zizazé ! !

Delo koupé, lélèktisité koupé, kaz inondé... mi èksplik pa zot le bèzman, sirtou an plin périod sikungunia. Parlfèt, moin lé pa sir ditou Diwa va nétoye La Rénion konm désertin i prétan. Èk tousa flak delo sora partou, nora larv moustik pou tié ! ! !

Justin