Afèr i ral anou kari sou deri ? Akoz i tourn lo pèp an bourik, ziska pèrd pasians ? Po ékèl rézon la préfèktir i fé pa aplik la loi, po mèt an plas Lobservatoir bann pri èk salèr. Oté nana lontan n’i atann mèm. Riskab nout moral, nout kèr, nout kor, nout min, i vienbou ar’pi siport in tèl lafron kont nout port-moné, nout ti salèr.

Ala léta i rogomant dé poursan lalokasion somaz, soman lo pri la vi i os plis troi poursan. Kansa banna va kalkil anou ? kont konm i fo siouplé. Arèt palank nout lespri dann mové kolèr. Aprésa, préfé i anvoy son bann nervi po matrak nout lopinion. Oté arèt abiz dési lo pli ti. Done o-zis lo potomitan po tass moyen débouz sitiasion somaz-là.

Sat i fodré, sèd mèt an plas Lobsèrvatoir bann pri èk salèr, komsa demoun va konprann bann zabi. Aude Palant Vergoz i devré mèt la gom po komann fèr. O-fèt ! félisitasion po ton gro méday komandèr lord nasional lo mérit.

Justin