Mé ousa li la pasé. Zot la pa vi ali ? Boug i port in linz blan, nana in kaskèt blan. Dabitid, li dor dann in kaz èk la vi dési la mèr, tout bann miniss i manz son kaz. Ousa boug-là la pasé ?
Oté, asé kas lé kui, va di amoin in préfé i gingn pa rosovoir son moun li mèm. Li lé oblizé anvoy son valé. Shak foi nana in miniss kravaté, li lé la soloman.
Non banna, zot i sobatt po in zafèr la pa son valèr. CAE, CES, CEC, zanploi zèn, li anvoy valdingé si koté. La pa son zafèr sa. Somansa, tardra viendra, li sra oblizé rouv son port. Bann mèr, prézidan la Rézion, prézidan konsèy zénéral la fine mèt ansanm. Mèm Victoria la mèt ansanm. Dawar, somanké, pétèt, san fé espré, riskab... nora in rénion po lanploi. Préfé sra oblizé mèt avèk. Sinon, i tard pa, lo pèp i sar mèt avèk.

Justin