Oté zangoun lédikasion nasional, koman i lé ? i paré nana in nouvo patron l’arivé pou diriz lo rèktora. Mi koné pa si li sra pli gabié pou aranz tout larlik gouvrènman la po fé èk bann TOS, CES, CEC. Espéron li sra gayar minm po mont anou son gro kapab.

In ot bone nouvèl, sé kestion la lang kréol. Bann Crochet, Joëlle Marimoutou, sra sirman kontan. i paré boug-là la batay po son lang kors dan lékol lil la boté. Parèy ! espéron li sar batay po fé respèk la loi Deixonne, po mèt anlèr nout lang kréol èk nout kiltir, nout listoir.

Po lèr, di ali "gayar larivé, misié lo rèktèré. Bon travay dan nout lakadémi". Soman, batt pa for si nout lestoma. Dawar o-bou-di-kont, li sar fé konm misié Boëne... port atansion vèy pangar.

Zistin