Nana in takon larlik po aranzé sèt ané. Na poin tro lontan, Jean-Yves Langenier té i koz lozman. Fors a kroir lé vré. Sa là, in gro maldotèt i fodra bien trouv kashé po songné.

Aou ! lané 2006 l’arivé. Loiyé la rogomanté. Sa la pa in sorbé po avalé, kank i done aou lo pri. Bann mèr - la pa tout, mé nana bonpé - i nior traka bann Rénioné. Katsan éro po in shanm ékipé, kouran aou, delo aou. Oui ! mé la pa doné.

Lé gran tan demoun i okip dosié là. V’ariv lèr ousa bann ti maléré va sort dann shomin, po krié : " la pa normal, la pa normal ", èk in gro kolèr siouplé.

Justin