Vronm vronm aou dési la katvoi, olèrk roul ron. Akfèr roul vitman po tanponaz laksidan ? Moto bolide èk loto vantar i galop an montan, i kour annsandan, rousté.

"Malèr ! Mon zanfan la pas sou la rou loto", in zour moin la antann. Oté marmay, mèt in frin si la rou sokour là, don ! Arèt zwé èk la vi demoun, arèt fé roulèt èk zot vi.

Ala kosa i fo i fé. Non pa abiz dési tout bann shofèr, mé la loi i doi okip bann shofar. Sat i boi kan i amèn volan, sat i pèz for dési shanpinion, sat i respèk pa lo kod la rout. Normalman, tout lé wikèn, i fo nana rout blé, san prèvnir bann kondiktèr. Mèt aou zélikoptèr po sirvèy ankor plis bandé.

É si bann fabrikan loto té mazine fagot bann modèl bridé, fabrik bann loto i roul ziska san-trant kilométrèr alé ? Rèv aou. Po lèr, odrémié ral lariaz...

Justin