Dann son féblès’ zénéralizé, li lavé gagn rasanm in pti pongné la fors pou protèz son zanfan la polis té akiz ator dovan son kaz. Mé sa i spass an France, é laba, soufandéfoi, désèrtin polisié i ziz aou ryink si la koulèr out figir. Total : bati d’kou, li la artrou ali an gardavi dann komisaria !

Évidaman, konm son bann zour lété konté, sa la aksélèr lo dékont final. Jean-Luc Fatol, sé konmsa li apèl, lé mor. Sèl konsolasion, li la gagn pass son dèrnié zour lémigrasion antouré son famiy !!

Lo kansèr sé vréman in salté d’maladi, mé fini konmsa lé ankor pli révoltan. Na inpé i di lé rogrétab mé sé in bavir. Mi vé byin. Mé koman èt sir nora poin dot kalité bavir konmsa...?!!!

Justin