Temoignages.RE - Home |   | Cont@ct  |  Flux RSS  Podcasts  Nous suivre sur Facebook  Nous suivre sur Twitter  Temoignages.RE on Google Plus  World Wide Web Consortium - W3C.org
Temoignages.re

Nout Zournal OnZeWéb

http://www.temoignages.re

Lakey lo sit> Chroniques> Oté

Sarkozy-Woerth-Bettancourt and co : Lo zo i soutyin la shèr ziska tan k’i pé pi !

7 zwiyé 2010 Justin




Partager

Matante Zélida la ékrir Justin :
Mon shèr nové, mon spès salté,
Sa la pa in sogré mi sava dir aou, vi k’sa i pass dann télé tou lé zour, dépi in bon koup de tan. Bann rouj-de-fon, épi bann roz-blan-blé la déside pass kal lo pti prézidan la Droite... Mé mon pti prézidan nana plis in tour dann son sak. Déza, dimansh, kan pèrsone té i atann pa, dé sou-minis la démissyoné. Shyin na lo pis, i fo ou i borde in pé ! Bann politikar lété apré ziguil azot si tèlman ! Solman li la fé dir, i toush ar pa in shové Eric Woerth, pars boug-la lé inossan, konm in pti zoizo k’i tète ankor son momon. Alors, kroi pa mon pti prézidan sé in zanfan tann. La pa zordi zot va yinbou pass ali kal. Tok ! Pran sa pou toi !

Justin la fé pou répons :
Mon vyé matante k’i koz touzour la boush rouvèr…
Sak mi èm èk ou sé oute fidélité pou la Droite. Sa i onore aou, pars dann kan la Droite-la, kal, zanbèk, amaraz zèrb, soss-trap, sa lé pa rar. Sé mèm in éspor byin pratiké shé zot. Mi tir mon kolé dann la, é pou lo rèss, démay sak i gingn ! D’apré sak mi lir, out ti prézidan nana konm in rosh dann son bèrsak i anpèsh ali byin najé... sé son minis Travay, méssyé Woerth. Boug-la l’apré gingn in mastapinaz bann médya, mi rakonte pa ou. Normalman, mi pans, lo prézidan noré té fine koup la korde pou pa koul ansanm… mé figuir aou, boug-la lété trézoryé son kanpagn é Liliane Bettancourt-la, a s’ki prétan, la donn in bon moné pou la kanpagn. Bou di kont, toute so moun-la lé konm shoushoute èk la mori. Sé pou sa oute ti prézidan, paré t’il, i arfléshi. An atandan, konm di lo kont, lo zo i soutyin la shèr ziskatan k’i pé pi.

Justin

Imprimer, Print


Partager

Po réponn si lartik-la


lé modèré-dovan

Forom kozman lé modéré-dovan : lé néséser inn komander la finn konfirm ali pour out kontribusyon i aparé an liyn.

Inn modékri, inn ti lavi, inn komantèr ?
  • (Pou kré bann paragraf, lès sinpman trwakat liyn vid.)

Kisa ou lé ? (réponn lé pa obligatwar)


Larényon -> Monde


<p>Jeudi 5 mars, des dizaines de milliers de Réunionnais se sont mobilisés et ont obtenu l'ouverture de discussions sur les revenus, les prix et les loyers.</p>

La Réunion : Route des Tamarins


SPIP | Lakart lo sit | Po swiv lo vi lo sit RSS 2.0
Témoignages - 6 rue du Général Emile Rolland - BP 1016 - 97828 Le Port Cedex
Annonces légales | Rédaction | Publicité
Directeur de publication : Jean-Max Hoarau | Mentions légales | Contacts

© Copyright 5 mai 1944-2012 Témoignages | Tous droits réservés.
Reproduction, even partial, of the contents of pages on this site without prior consent is strictly prohibited (short citations are permitted by French law for comments and criticism, as they are strictly concurrent, and are specified the original author and the Internet link to the source page).

Haut