(Page 16)

Va faloir détronp anou : bann zistoir Tatave Bénard lé pa définitivman ranzé dann magazin lantikité. Zot i ansouvien konsèyé zénéral la droite la di : “anvoy le pon, la ravine va vni apré”. Si nou la bonpé ri èksa, lété souvan in rir zone !

Le pir sék Tatave Bénard, zordi ankor, na lèr inspir dirèkteman, non sèlman désèrtin dirizan la droite dann nout péi, mé osi sat la Fédérasion sosialis !!

Pou zot, si nout péi lé dann in koma sirkilatoir, si boushon si la route lé an poundiak partou, si marshandiz èk do moun lé bloké, si lékonomi La Rénion lé paralizé é son lavnir andikapé..., kas’ sirtou pa la tèt. Pou se bann Tatave i bouz ankor, nana in sèl solision : “arète èk le tram-trin, é bann boushon va fini par sote par tousèl” !!!

Justin