(page 16)

Dèk la nominasion François Baroin konm minis Loutremèr lété koni, Thierry Sam-Chit-Chong - in manitou la Rélèv Saint-Louis - lété an promié pou réazi. Li la fé romarké si Baroin na karantan ; li, li nana in an anmoins’ !

Ki di mié ? Mésaz kodé. Mésaz kapté dann la foulé par... Nicolas Sarkozy. Dovan bann kad l’UMP, dernièrman, le minis lintérièr la di : "i fo renouveler les hommes politiques Outre-Mer". In kozman la di fé gonf’ zabo inndé, laba Saint-Louis ! !

Mé in zabo gonflé sra pétèt pa sifizan pou regonf’ la kote l’UMP dann toute Loutremèr. "Divisé et à moitié battu" en Nouvelle Calédonie, "battu" en Polynésie... le bilan Sarkozy i tras’ lé plito sonb. Dotanplis’ li di pa l’UMP, isi La Rénion, la été totalman ékrabouyié. Koman relèv in Relèv la pa pou relèv persone ! ! !

Justin