(Page 16)

VERDI, fodra byin lantropriz-la i shanz son partision. Olié d’Valorisasion Eliminasion Rosiklaz Déshé Indistrièl, son non i vodré plis dir VER in Danzé Iminan.
Lo bann travayèr lé oblizé arèt travay akoz zot i krin tro pou zot santé, sanm tout bann lasid èk lo plon zot i viv avèk.
VERDI ou inn ot, kansa na kalkil in pé nout lanvironman ? Somanké nou kalkil La Rénion in paradi la natir pou toultan ?
Konbyinn tan i rès anou èk tout la polision ni dévèrs dann ravine, dan la mèr, si nout tèr. Plis ou lé p’ti, plis ou lé frazil. I fé dé-trwa sièk nou la ariv térlà ; an konbyinn tan nou nora tié tout lo natir ? Konbyin zanimo, piédbwa fine disparèt ?
Zantropriz ou partikillié, nout tout i dwa sanz nout manyèr. Sansa, nou minm va pèy tousa sanm nout santé.
Somanké la pa di asé ankor : réspèk nout natir, réspèk nout vi.

Justin