(page 16)

Adision d’refu, adision la pèr... : ala kosa le “non” la Konstitusion éropéène noré èksprimé, sélon Gilbert Anette. Ni moins’, ni plis’. Mé, touzour dapré li, sirtou pa in rezé la politik le Parti sosialis’ otravèr son “oui” sanksioné !

Kan la fédérasion lokal le P.S. i fé son lotokritik, li done pa dann le gran débalaz. Sé plito in séans’ striptiz alanvèr. Pénibleman, Gilbert Annette i ésèy ral in kouvèrte si sat toute de moune la fine louké dopi lontan. É la pa zoli !!

Dann in laksé d’ franshiz, li la fini kan mèm par rekonèt le Parti sosialis’ la été "vizé" dann le référandom. Pou koué ? Par ki ? Ni konétra zamé. Pou le P.S., antouka, vizé na rien a voir èk toushé !!!

Justin