(Page 16)

Kosa la pa fé anval anou si la “proksimité” o moman zélèksion minisipal ?
Lasosiasion Saint-Denis 2000 la pèrmète done travay in bonpé Dionizyin, la pèrmète bann zasosiasion d’kartié anminn zot aksion si l’térin pou sak lé dann malizé, pou sak na pwin ryin.
Ala zordi lé réstriktiré, lé minisipalizé èk bann nouvo mision i koné pa ankor. Tousa pou fé lékonomi parèy gouvèrnman, si lo do domoun.
Ti lanp ti lanp, bann sèrvis i fèrm, i invit bann travayèr rannt dann in roklasman i rosanm plis in déklasman, 1 CDI kont 1 CDD pou sak i vé. Sak i vé pa, alé rod myé. Pou giny dir domin sak i rès i sèrv pa ryin, pou giny dir la pa bozwin travayèr là, i tir tout dan zot min pou k’zot i giny pi fé zot travay. Mé bon, i roklas... èk pou war domin, inn ot promès ankor, promès formasion, promès in travay dann fonksion piblik... Mé pou kèl piblik ?
Ti konésé pa ? Zanana i koup trwa koté.

Justin