|
Nout Zournal OnZeWébhttp://www.temoignages.re |
Accueil du site> Culture> Ki kré Kraké, Sat i kré fé pété
3 novembre 2006
Tonsyon Tikok, alé pa tro vavangé, la sézon zavan la arivé, la, in !
Zavan, toultan zavan, ariv la fin lané, madanm Biganbé i koz zavan déyér son garson. Tikok i konpyan pa riyin kosa sa i lé. In zour, li la domandé : “kwé i lé in zavan, monmon ?”
In zavan, sa in léspès mové zanm, mon zanfan. Kan i ariv mwa novanm-désanm, zot i prominn partou dann la ravine, dann bwa, dann zandrwa pa frékanté.
Bin, pokwé zot i mars konmsa ?
Bin akoz zot la fin, mon zanfan ! Zot i sar rod frui po manzé ?
Souvandéfwa, po manz frui, zot i kasyèt anndan. Séposa i fo pa alé dann ranpar, rod zanbrozad, franbwaz, fig, tousala !
Tikok la pér zavan. Po saminm, li évit manz zanbrozad, franbwaz èk tout ravaz, nana dan bwa. Soman ninkou, Tikarl èk Grozil i vyin kri ali po alé la ravine. Tikok i sava. Fine binyé dann basin blé, Grozil i di : “Anon rod letsi dann lilèt gramoun Manyèl ! Va aranz in pé la bous”. Tikok i vé pa. Soman po fé lo vayan, po fé mont li la pa pér, li fé po répons : “Lé bon, anon !”
Alapa kan li lé anlér pyé létsi, in brans i krak sou lo pwa Grozil, i rod po kasé. Sové Tikok i drès in sèl kou si so tèt, li kri : “Bondyé ! ala zavan la débarké !” Danlér, li sot dann fon, li démi son bra.
Kan Tikok l’ariv son kaz, madanm Biganbé la frot èk lalkol kanfré, épi... son déyér èk... in bon fwèt pès.
Wa amont aou avaz zavan dann bwa, sirtou dan la kour domoun ! Wa amont aou pa akout out monmon.
Fontaine C. : “Zavan” in Zistwar Tikok, CDPS, 1988, pp.100.
Douzyèm morso : Poisson, lo sor la monte déssi !
Onzyèm morso : sitrouy, lo sor lé dsi"Bla BLA BLA" installation Hélène Coré-Sophy RotbardL’avé inn foi, dan la vil de foi, méssyé le foi, la manz son foi, èk in grinn sèl !
L’avé inn foi, pou inn bone foi, dan la vil dé foi, méssyé lo foi, la manz son foi, èk in grinn-sèl
Dë mo pou rézimé :Uityèm morso : lo sogré d’Tizan, lo panyé mazik !
Devant la revendication légitime des Réunionnais, Didier Robert dit : « je ne sais pas faire baisser les prix » Conseil général : l’imposture de Daniel Alamélou Nouveau tour de vis en Grèce Giovanna va s’éloigner pour menacer Madagascar In kouraz konmsa i pé s’an pasé ! Aujourd’hui lundi, blocages musclés à nos carrefours ? La question était posée hier. L’est-elle aujourd’hui ? Le sera-t-elle demain ? 
Numéro du 23 décembre à télécharger
L’Az Do Fèr La Réunion : avec l’AJFER, le journal des jeunes Réunionnais dans Témoignages.
Luttes socialesMondeDéplacements - TransportsEnvironnementOtéLibres proposLuttes socialesLuttes socialesEconomieLuttes socialesLuttes socialesMondeDéplacements - TransportsEnvironnementOtéLibres proposLuttes socialesLuttes socialesEconomieLuttes sociales
|
Plan du site |
RSS 2.0© Copyright 5 mai 1944-2012 Témoignages | Tous droits réservés.
La reproduction, même partielle, des contenus des pages de ce site sans accord préalable est strictement interdite (les citations sont autorisées par le droit français pour commentaires et critiques, tant que ceux-ci y sont strictement concomitants et que sont précisés l’auteur original et le lien Internet vers la page source).
