Lantant “Tikouti” la préparé in tralé liv pou marmay. Désertin, té i ekzis avan, sèlman té i trouv pi liv-la. “Tikouti” la fé in nouvo tourné-viré so bann zistoir la tradision kréol.
Par ègzanp, dans koleksion “Zistoir lontan po marmay koméla”, néna troi séri liv. Dan lo séri “Zistoir zanimo”, zot i pé trouvé lo zistoir Lièv i sava bal, in zistoir kréol Boris Gamaleya la ramassé, la transkrir, nana lontan-lontan mèm ; la revue Bardzour Maskarin la publiy an premié ; Axel Gauvin la-adapt po marmay, la-tradui an fransé é Fabrice Urbatro la-dessiné, in gayar ti dessin i ressanm bann-dessiné zot i trouv dann Festival far-far lo liv.

Dann lo séri “Zistoir Tizan-Grandiab” zot va trouvé Tizan langouti rouz, lot¨r i koné pi si tan tèlman lo zistoir lé vié vié mèm, Axel Gauvin la-adapte po marmay, la traduir an fransé, Patrick Booz la-déssiné é Fabrice Urbatro la-fé la makèt.

In troizièm séri - séri lo Kont (contes merveilleux) - la reprann in zistoir bon pé demoun la lir dann zané 70, kan la fé in premié lédision. I apèl Pou in grap létshi, in zistoir Janio Técher la rakonté, Axel Gauvin la ramassé, la ékrir é William Zitte la fé le dessin.

Lo koloriaz, sé in figïr Florans Félix la fé dessï Gran Mèr Kal, dann in “design” Kamboo. Lo liv lé in pé pli gran in kart routièr dizon, Kan i rouvèr, néna lo dessin pou kolorié, zot va trouv lo modèl lot koté lo liv : sé komm in gran lorloz, in figïr shat maron dann milié, èk douz ti tèt kaf po donn lër. Néna Ponpo, Koki-az, Fouké ansanm Gran mèr Kal. Anndan néna bann ti personaz èk lesplikasion é dot koloriaz pou fé ankor.
Koloriaz-la i pé trouvé Lofiss Touriss Simpol (1 place P-J Bénard, 97434 Saint-Gilles-les-bains, 0810.797.797)

Encadré (annons)
Proshèn foi, nou va anparl azot in ot séri Lantant Tikouti la fé, i apèl Kosa in soz, akoz néna kat liv la finn sorti dann koleksion-la.