Kozman

Prizonyé la min doboi vanzèréz.

morso 1

Justin / 13 févrié 2021

a famiy lo pti Poum, asoir la roganiz in gran diné ; Mé konm lo marmaye néna lékol landomin, son famiy la fé rèss ali dann son shanm pou in pti manzé sinp..

.L’èr k’li té apré diné tousèl dann son shanm, bann zinvité té apré anvoye bann pti chou déyèr la kravate.é kèl chou mondyé ségnèr ? Plin avèk la krème, kékshoz drolman bon., mi pé dir azot !A ! lo bann gayar zafèr, tro bon mi di azot...
Poum la parti ralé avèk la kizinyèz i apèl Bertha.Sète-la la réponn ali : « Inkyète pa ! Ou va gingn out par domin ! ».Domin ? Kèl kèr dir so Bertha-la, kèl kèr do boi, kèl kèr an galé. El i oze anparl domin,Domin la pate sar fine lour konm sète bann bégné la fine fré, la krème sar fine tourné. Olèrk in régal Bondyé , Poum va mash in patissri troizyème katégori.

L’èr-la, li gingn pa somèye, li oi zot ! konbien néna ankor ?Troi, kate, sisi, dsu in pla garni avèk papyé dantèl. Dann fon bifé dann la sal a manzé. Pars zot lé la katpate asizé, tou l’pé an ron. Kossa zot l’apré rakonté ? Kan li pans banna lé ankor fré !Poum néna lo santiman l’apré vol ali.Li na kant mèm droi in pé ladan.Pa toute binesir, mé dé, sansa troi, pétèt ekate. Si li manz asoir plito ké domin, kossa sa i shanj ? Sa i jène kissa ?
Asoir,sansa domin sé topette morette.
Poum i ging pa somèye mèm si létar déza.Toute demoun la fine pran lo li.Tanté par luil tantan.Mé kissa i sava oir sa ?Kissa i sava antann sa ? Pèrsone : li va rouv la port san fé dézord, li va koul ali o an ba dann léskalyé, li rante dann la sal a manzé :lo bifé lé ziss dann koin a gosh é la klé lé kaziman dsu lo batan la porte.
in tèks justin la mète dan la lang kréol rényonèz é téi sort dann in liv Paul Margueritte (1860 – 1918) et Victor Margueritte (1866 – 1942) — Poum (Plon, édit.).

La pankor fini