« Sak i ède pliss sé sak i jène pa. » : kozman pou la route.

16 févrié 2021, sanm Justin

Méssyé, Médam, la sosyété, koz èk mwin sé koz èk in kouyon mé sé o pyé d’lo mir k’i oi lo masson.Mézami, néna lontan mi panse kozman-la é mi panse ali pli souvan kan in moun i déside mèle dann sak mwin l’apré fé. Zot i koné lo moun i vé ède aou, la plipar d’tan sé in moun danzéré. Kroi pa li déside done aou in sinp kou d’min, pars dann la réalité li vien pou pran out plass : li vien komand aou, li vien kass lo plan ou la fine fé , pou ranplass par la syène. Pou kossa lo zouvriyé i limite bien lo zèst li domann son manèv ?In pé pars lo manèv i gingn pa fé toute par li mèm, épi pars li la pèr i ariv ali sak mwin la mark an-o la. Donk alala pou kossa souvan dé foi mi panse provèrb mwin la mark an-o la é mi invite azot pou rofléshi la dsi. Mi kite azot é ni artrouv pli d’van.Sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus