Oté

« Avan grinp dsi pyédboi, assir aou bien ou va gingn ardéssann »

In kozman pou la route

Justin / 19 zwiyé 2021

JPEG - 43.6 ko

Médame zé méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo masson.

Konm zot i oi nou la pou kontinyé noute batkaré dann bande provèrb péi Haïti. Provèrb-la lé sinp si i rogarde son sanss prop ki di konmsa : avan grinpe dsi in pyé d’boi vèye bien si ou va gingn ardsann apré. Toute saké tan pti la grinpe dsi pyé d’boi i konpran amwin mi panss. In prékossion bien nésséssèr. Mé dsi lo poinnvizé lo sanss figuiré sanm pou mwin lo sanss pli zénéral sé kan wi angaz aou dann in prozé i fo assir aou wi koné bien lo détaye, konm k’i diré lo tonan é lo zaboutissan. Sansa lé riskab ariv aou kékshoz ou i atann pa. An atandan, mi souète zot i roflésjhi bien kozman-la pars sa i pé rande azot bien sèrviss.

Ni artrouv pli d’van, sipétadyé.

« Avan ou monté bwa, gadé bien si ou ka dessann li » : proverbe haitien