Oté

« I armontr pa lo shien manz mayi ! »

In kozman pou la route

Justin / 17 zwin 2021

JPEG - 43.6 ko

Médame, méssyé, la sosyété, koze èk mwin sé koze èk in kouyon, mé sé o pyé d’lo mir k’I oi lo masson.

Mézami dan la vi, zot konm mwin, ni pé aprann-si demoune I armontr anou bone shoz konm movèz shoz : si wi aprann bone shoz I mète aou dsi lo bon shomin, mé si wi aprann movèz shoz, I pé mète aou dann mové shomin. Astèr, zot konm mwin, mi panss nou l’aprann avèk demoun, sansa avèk kamarade, sansa par nou mèm bon zafère konm mové zafère. Sak I fé nou néna bone kalité épi mové défo.

In shien I manze mayi, ni pé dir sa la pa in bon shien, pars si zot I rapèl bien lo tan lontan, mayi lété in bon nouritir alor téi fo pa lo shien I manz ali, avan nou, sansa noute plass. Alor, zot i konpran bien, dann sète afère-la nou lé dann domène lédikasyon pou amene la vi an sosyété konmkifo é lo problème lé pozé pou konète si nou va vni bon sitoiyin sansa mové sitioiyin.

Alé ! Mi kite azote rofléshi la dsi é ni artrouv pli d’van. Sipétadyé.