Oté

« Koupe pa la min i done aou manjé »

In kozman pou la route

Justin / 17 zwiyé 2021

JPEG - 43.6 ko

Médame zé méssyé, la sosyété, koze èk mwin sé koze èk in kouyon mé sé o pyé d’lo mir k’i oi lo masson.

Mézami, konm zot i wa n i kontinyé noute batkaré dann bande provèrbe péi Haïti. Sanss prope ni konpran bien sak i vé dir : « Ne pas couper la main qui te donne à manger » é konsèye-la lé bienvenu pou sak na pwin konm i di lo plon dann la sèrvèl ; mé konm mi di azot toultan, la nou lé dann karo provèrb avèk in sanss prope mé galman in sanss figuiré é sète-la i vé dire i fo ou lé rokonéssan, i fo pa wi obliye sak la rande aou sèrviss é sanm pou mwin sa in bon prinsipe la vi dann la sosyété ni koné. Kissa i pé dir in zour li nora pa bézoin l’ède demoune ? Kissa k’i pé dir, in zour li nora pa bézoin kou d’min in dalon, in kamarade sansa in moune étranj.

Alé ! Mi kite azot rofléshi la dsi é nou va artrouv pli d’van. Sipétadyé.

NB-« Pa janm koupé douette moun kap ba ou manjé » – proverbe Haïti »