In kozman pou la rout

« Linz sal i lav an famiy ! »

27 zwiyé 2016, sanm Justin

Sa in provèrb, moin lé sir, la plipar rant nou i koné bien. Kosa sa i vé dir ? Toulmoun i koné : i vé dir bann z’afèr privé lé riskab fé port in mové rogar dsi la famiy, i fo pa sa i débord dann lo piblik, mé sa i doi rès dann sèrk privé. Solman ni pé domann anou si sa lé touzour vré ? Si sa lété vré, z’afèr d’famiy nora pa fé, souvan dé-foi, la ine dann zournal. Poitan konbien foi ni antann dé shoz nou noré pa été o kouran si lo kozman zordi lété vréman réspékté. La pa ké zétranzé la parti rogard par lo trou la sérir ! La pa ké l’moun lété viktime l’éspyonaz ékonomik ! Mé i ariv souvan ké dann famiy nana si tèlman tirayaz k’in pé i vann lé z’ot é vèrsi-vèrsa. Ala in kozman pou fé travaye z’ot koko si li lé o shomaz. Alé ! Ni artrouv pli dvan !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus