
Sept prix Nobel d’économie exhortent la France à adopter un impôt sur les ultrariches
10 juilletSept prix Nobel d’économie ont appelé à mettre en place un impôt minimum sur les patrimoines des plus riches. Parmi les signataires de cette (…)
15 octob 2021, sanm
Oute mazèsté, si mi ékri lète-la pou ou, zordi, sé pars mwin lé fatigué oir la manyèr ou l’apré trète bande shagoss dopi prèss sinkantan. Mazèsté, mwin lé fatigué konm rényoné-konm frère bande shagossiene épi bande shagossien, mon kèr i sègn kan mi oir la fasson i trète banna. Lé vré a s’ki paré la Rène i règn épi i gouvèrn pa solon la loi bande zanglé. Lé vré la pa ou k’i désside é sé bande gouvènman mé sa i shanj pa arien dann la soufranss bande shagossien(e) l’apré siporté. ; sa i shanj pa arien dann oute résponsabilité.
Mazèsté konpran amwin bien ! Ou la pa in zéro la gosh in shif, wi mète pa lo pouss sinploman kan gouvèrnman i domande aou. Si mi tronpe pa, vu de loin, mi panss ou néna in gran lotorité moral é sé oute signatir k’i done son forss bande déssizyon gouvèrnmantal. Sé oute signatir k’i fé ké zordi ankor bande demoune shagoss épi zot déssandan lé privé d’ rotourn viv dann zot péi. Final de konte sé par ou ké sa i ariv, sé par oute fote ké sa i ariv ankor zordi.
Mazèsté, nou rényoné, ni san nou lé famiye avèk bande shagossien : konm zot nou-antouléka in bon kantité rantre nou-la konète la déportassion, la konète limilyassion é lo krime la trète épi lésklavaz. nou lété frère é sère dann noute malèr é si zordi la trète avèk lésklavaz pou zot konm pou nou, sa la fine disparète, shak zour k’i pass la doulèr zot zansète lé ravivé dann zot par lanpèshman zot lé d’dan pou rotourn viv dann zot péi d’néssanss bienémé.
Mazèsté wi koné – antouléka ou lé sanssé konète – koman toussa l’arivé par la maliss épi par la fors oute bande sizé. Ou lé sanssé konète bande shagossien(e) la zamé bèss lo bra é zordi ankor zot i kontinyé lite pou zot droi, sinploman pou zote droi imin, viv si zot i vé dann péi zot péi d’ néssanss… zot droi fondamantal, zot droi imin.
Sé par ou ké zot soufranss i kontinyé zordi.
Zordi bande pli gran tribinal internasyonal la fine done aou tor : kour internasyonal la Haye li, tribinal la mèr li, épi d’ote zotorité mondyal. Zordi oute péi lé izolé dann lo konssèr bande nassion é o firamézir oute péi sar plizanpli toussèl, plizanpli izolé, plizanpli kritiké par lopinion piblik internasyonal.
Mé lizolman, mazèsté, sé in mové konséyèr. Kissa i koné si domin bande serviss sokré oute péi – sansa sète l’amérik é sé pou nou lo mème zafèr – i sava pa ankor azoute d’ote krime avèk sak lé fine komète. Kissa k’i koné si domin la pa konte bande viktime ké zot lé riskab brake zot zarm mortèl. Si sa i ariv, é si bande viktime i gingn la mor dann ète afèr-la mi di aou, franshman, sé ou ké nora pouss dsi bouton. Sé ou ké sar résponsab an tan ké otorité moral la malédiksyon va rotonbe dsi ou é dsi oute pé pandan dé zénérassion é dé zénérassion.
Avan k’in n’afèr konmsa i ariv, mi souète la rézon i pran lo pa dsi la folie, é ké wi rokoné lo droi bande shagossien viv an pé dann zot péi. An tan ké otorité moral wi pé fère sa pou noute sère é frère shagossien épi rofèrm lo gran liv doulèr zot l’apré siporté é zot bléssir sikatrizé.
Sept prix Nobel d’économie ont appelé à mettre en place un impôt minimum sur les patrimoines des plus riches. Parmi les signataires de cette (…)
Le Parti communiste Chinois (PCC) est né le 23 juillet 1921, à Shanghai, dans la partie colonisée par la France. Le 1er octobre 1949, Mao proclame (…)
Mézami, si mi di azot La Rényon i repoz dsi in volkan, zot va dir amwin, kan mi di sa, dizon mwin la pa di arien. Si mi di demoune lé pa kontan, (…)
En 2019, les émissions de gaz à effet de serre générées sur place à La Réunion, que ce soit par les activités économiques ou les logements et (…)
Mézami, médam zé méssyé,néna dé shoz mi yèm bien dann la tradissyon kréol ;Sé bann kozman i marke la solidarité dann noute sossyété. Zot i koné lo (…)
Les catastrophes climatiques pourraient coûter jusqu’à 5% du PIB de la zone euro d’ici 2030, selon la Banque Centrale Européenne, qui pour (…)
La conférence historique sur le financement du développement à Séville s’est conclue avec un sentiment renouvelé de détermination et un accent mis (…)
Au 1er juin, les chiffres du ministère de la Justice ont établi à 84 447 personnes détenues pour 62 566 places. La surpopulation carcérale (…)
Après les coupures d’eau mémorables sur fond de polémique, le conflit Mairie de Saint-André-Cirest qui perdure, les plaintes à répétition, les (…)
En avril 2025, la ministre malgache des Affaires étrangères, Rasata Rafaravavitafika a déclaré que "la position de Madagascar concernant la (…)
Le CIOM « national » aura bien lieu le 10 juillet au Ministère des Outre-mer, en présence du Premier ministre, François Bayrou et du ministre de (…)
L’État proposerait une transition sur 15 à 20 ans avec, in fine, une consultation sur un ou plusieurs modèles, selon un participant au discours (…)