Lakey lo sit > Chroniques > Oté
« Wi pé détèst oute shien, mé ou lé pa blizé di li shik taba-sansa fime taba ! »
In kozman pou la route
vandrodi 16 zwiyé 2021, sanm
Nb-provèrb haïti : « Rayi chen, men pa di li fimen tabak »-aï son shien mé pa ziska di li fime sigarète.
Médame zé méssyé, la sosyété koze èk mwin sé koze èk in kouyon, mé sé o pyé d’lo mir k’i oi lo vré masson.
Mézami mi panss zot i konpran lo sanss prope in kozman konmsa. Mé néna galman in sanss figuiré é ladan ni parl pi lo shien, mé l’moune. Mi panss sa lé inportan dan in sosyété demoune i yème fé ladi-lafé, rakonte ninporte de koi, é opliss sak i rakonte lé gro, opliss demoune i kroi-romark bien la pa solman issi La rényon demoune lé konmsa é d’apré mwin sa sé in défo inivèrsèl, in défo l’imanité. Zot i koné di in moune la f é kékshoze pa rokomandable lé fassil, mé alé prouv lo kontrère si wi gingn é ou va oir sé in n’afère bien difisil po fé.
Alé ! mi kite azot rofléshila dsi é ni rotrouv pli d’van. Sipétadyé.