Kou sü kou, nou sort konèt troi shif sü La Rénion i donn pa nou lanvi sot anlèr avèk kontantman : nou koné nana kat san mil pèrsone i bénéfisié la CMU, nana 30% la popilassion aktiv lé shomèr, épï nana par-la troi san mil pèrsone lé blizé viv avèk bann minima "sociaux".

Pourtan, dann son program, "pou in nouvo kontra sosial", parti komïnis i sort amontré nana zafèr pou fé, pou donn kréol pliss travay, épï amélior in pë zot sitiassion sü la késtion’lojman, la santé, manièr viv, manièr manzé, manièr dévlop la kültür.
Alor, koman mèt program-la anlèr ?

Dizon lë mo, i fo bannrénioné i zoué an"patriot" : kissoi dann koopérativ, kissoi dann lantrepriz, kissoi son tousèl. Zot i doi tash moiyin dévlop La Rénion, épï sèrv son zintéré, an mèm tan zot i gingn zot sosso.
Oté ! sa nout péï sa ! La pa bon dobout-guèt konmsa, i fo rant dann ron. La pa bon fé laspèr-kuit, I fo trouss la mansh.

Justin