Titone – lo marmaïy mwin té i apèl Guèl-Roz – l’arvni rœ-assire son plasse dan la kantine…
Boudikonte, mi trouve Titone i fé pa si tèlman son vantar pou son rédi-lo-rin devan la métrèsse-là.

Titone la-passe son "vie active" pou mashe kanne, pou manze lo ventr’ sipèk vert… pou konpoze romanse. Pa romanse dessi la diréktrisse : li la-pa gaingné, ça té i rœfiz fégonde sa moral, mé soman dessi Ivone, Ivone Taba-vér, la fiy Nolasse-Poisson-Rouz.

Promié romanse st’in pèlmèlaz la politik sanm la koshonsté :
Depu Sin-d’Ni juska
Sin Pièr
Na rienk la pipe lo maire
La-gaingne fume
Lo taba d’
Taba-Vert.

Déziyènme romanse i atake aèl par koté son famiy :
Nolasse
Déguélasse
Ton Taba-Vert
Lé en filasse.

Troiziyème i informe ce "l’Hygiène" ke la métresse lé pou suife anou matin-é-soir ansanm :
Oté Ivone
Alé savone
Ton taba
I sent kouttkongn.

Axel Gauvin