Bayalina, par Axel Gauvin… in roman dann la lang kréol rényoné, an fèyton dann Témoignages -78-

Mardi 8 déssanm (dézièm morso)

2 zwiyé, sanm Axel Gauvin

Lina i passe koté d’ mwin. El lé pou fé sote-sote anlèr deux létsi-filipine dann son min droite. Mwin lé sûr, si èl navé moiyin, èl noré domande amwin :
– N’i joué ansanm ?
Mon kèr noré batte dan mon dos.
– Pou kança ?
– Pou lo zour la rantré d’ mars.
– Tar konm ça ?
– Ou na peur oublié ?
– Kiça ? Amwin-là, oubliye ça !
N’i dékosse(1) lo deux létshi. Sakène la siène. Fote koman fér, nout deux èl, n’i sépare ossi…

Mwin la oubli demande pou koça filipine-là. Aèl ossi.
Çak va pérde va done l’ot çate li vé.
Si amwin k’i pèrde, koça mwin va done Lina ? Mon dérnié katsou mwin l’ashté mon pingn ansanm…
I fo mi trouve in nafèr pou mwin kado aèl… In pti violète mwin va fé sèk rantr’ lo paz in bèl livr, apréla mwin va colle ça dann koin in fèy papié bien prope, épila mwin va ékrire dessi, mwin va ékrire…
Koça t’i sar ékrire ankor sanm ton vilin lékritir-là ! Lo sanbon lo violète va gaingne ésplike ton santiman plus mié k’ toué, spèsse gran kokol !

Axel Gauvin

(1) Sépare.

Padport

Signaler un contenu

Inn modékri, inn ti lavi, inn komantèr ?