Bayalina, par Axel Gauvin… in roman dann la lang kréol rényoné, an fèyton dann Témoignages -48-
20 avril 2024, sanm
Titone, pou li romérsié anou pou lo manzé k’i done ali – lo ti-trépeu d’manzé : plüs i gaingne pa – Titone i kado anou in papa kamaléon. In sapèr bèl zamal kamaléon, rouz sanm la kolér, èk in gran trafilade zépine i dboute en barikade depi devan son tête, ziska son boute la keu. Rémon i tienbo bébète-là, dessi dalaj la kantine, sanm in gran gatir, kaziman parèy bann blan i promène zot shien.
Apark Adèl sanm Zilbèr – 2 kokol la për kamaléon – nout toute lé tro kontan ! Lo rir i füze. Kozman i grène. Ari i vé fé füme lo bébète, toulmoun lé dakor, soman pérsone na poin – kansréti in koukoune. Romark : in grin zalimète ossi na poin ! Mano i fé in déklarassion konm dekoi i fo mètte lo zamal dann tiroir la diréktrisse, dessou son sérvièt-de-tab.
Gro-Ivone i débarke : nou na zist lo temps zète déor lo kamaléon avan k’i trape anou.
Manmzèl i ardone in lesson d’ manzé, soman son kër la-fine afayi. Akoz èl i konpran pa i gaingne pa tire de-leau dann rosh ? Koça i ienbou fé sanm sovaz konm anou-là ? Odrémié – mi di ça pou èl mèm – èl i kite anou pou la valèr !
Daoir èl i kontinié pou son plüs méyèr zélèv : Ivone. Plüs méyër, na poin : ça i tète son lang kank li dékoupe son viande, ça i éssuiye sanm la mie d’pain son lèvr ke la sosse kari la-gomé ! Rienk la lèvr èl i éssuiye, don ! La robe ossi kank lo luil la-koule dessi. Epila, robe sinon lèvr, lo pti morso la mie d’pain, èl i poze ça dan lo koin son pla. En rogré soman... en dépitassion. Tazantan romor i monte si èl : èl i artrape pti boul de-pain-là, ouhop, dann gouf son gran guèl gran rouvér.
Lina la pi rienk inn pou èl moké astèr : na 2 ! E èl i kite pa lo mokaz pou tantine Luiz ! El i lève ti doigt en pionte : ala pou inn (manmzèl-diréktrisse). El i karte en massikrok sink bèl zandouiy kosson-péi : ala pou l’ot (Ivone-gro-taba).
"Bon Dieu Ségnër la viérj Marie", konm di Rémon, provik lanbaratèz-diréktrisse sanm son nérvi i trape pa Lina !
Axel Gauvin
À l’occasion du 5e Sommet des Chefs d’État et de Gouvernement de la Commission de l’Océan Indien (COI), tenu à Antananarivo (Madagascar), Son (…)
Le président français Emmanuel Macron a demandé le 24 avril "l’intégration" du département français de Mayotte à la Commission de l’océan Indien (…)
Tikok la lèv bonèr, so matin-la. Li la dégaz* vitman po alé lékol. La fré té i bèz, déor. Li la mèt palto* Zan-Lik po rod manzé-lapin, avan (…)
À la suite de la journée de mobilisation du 22 avril menée dans toutes les antennes des Missions Locales de La Réunion, les Présidents des quatre (…)
À compter du 17 mai, journée internationale de lutte contre l’homophobie, la transphobie et la biphobie (IDAHOT), de nombreux événements LGBTQIA+ (…)
Les dossiers devront être déposés avant le 07 mai 2025
L’épidémie de chikungunya a touché d’ores et déjà plus de 100 000 personnes à La Réunion, causé des situations graves, dont des hospitalisations (…)
Au cours d’un entretien dans la soirée du 22 avrils entre le Président de la République, Emmanuel Macron et la maire de Saint-Denis, Éricka (…)
En visite à La Réunion, le président de la République a échangé avec le monde agricole, durement affecté par le cyclone Garance qui a suivi un (…)
Le ministre français de l’Intérieur a pour ambition d’être candidat à l’élection résidentielle et cherche à se construire une popularité auprès (…)
Le Haut Conseil de la famille, de l’enfance et de l’âge est revenu dans une note sur la période inflationniste 2021-2025 et ses effets sur le (…)
Le président de la République fait étape à La Réunion dans la cadre d’une tournée dans notre région organisée suite à sa participation au Sommet (…)
