Un : -Ouf… tsindzangou moutrou ounguia hahé, oukou hari léra moingué wakoupéwa.

Deux : -Kouchindri wanambia…

Un : -Trini ?

Deux : -Ni tso hou véléchéya raha li souala.

Un : -Oussoufagna trini hangou vanou ?

Deux : -Bassi wawé, hangou ?

Un : -Ah, tsi yéléwa : wawé dé oumouidzé ?

Deux : -Trini dé nitso yihibao hangou ?

Un : -Bouéni, bassi vanou wahaho ?

Deux : -Ah ! tsakoubali, nissoimihi, nissiona maouri wawé dé ouliyo hangou…

Un : -Voulichia, wami tsi houji, bé outso lawa voindzé bouéni.

Deux : -Kokwahé, wawé dé wa kalazimou oulawé.

Un : -Mana trini bassi, né tsa hangou.

Deux : -Ya handra wahangou, na ya vili ouja kadimou vanou rahana wami, iyo déchitrou iyé néssédzéawo amba vanou tsi haho.

Un : -Oujwa jéjé ? Madza ina léra gniengui nilo monivanou, mori na chidzaIni, wala raha tsaka lagouwa.

Deux : -De toute façon, voi chidza soifi : otso jouwa jéjé ambavanou dé haho ? Bassi nitso jouawa jéjé wajawou amba vanou dé hangou ?

Un : -Manatrini ilo qualitéini ?

Deux : -Ah éwa : voichidza ata moutrou kassijouwa amba wayé mbani aou mbani.

Un : -Nissoufikiri maouri dé wawé : wawé koussou jouwa wajaou amba vanou dé haho naou moingué ounou wafa. Bassi lawa !

Deux : -Atahata.

Un : -Nadzéli nakojouwa vahanou ouliyo, nakojo houtowa forcé voindzé.

Deux : -Hé, voulichia, néka oussi yiringa kalitéyo, wami tsa pré oulawa haho !

Un : -Tsi yéléwa ichitrou wakotsaha ouyirongwé.

Deux : -Bassi nlongo ouwo wahavi ?

Un : -Nadjéli vanou ouka haho, outso ona mlongo. Kokwangou, Lawa.

Deux : -Wawé outséssa, wawé, harimoi chidzaïni. Ouvandré wa potro wa havi, na ouvandré wa houmé wa havi ? Nambiyé vahanou mlongo ouliyo !

Un : -Vanou… ahan dé hounou…

Deux : -Ouwono fétré amba vanou tsi dé haho. Ou wono, outso jouwa mlongo na dzéli vanou vouka dé haho.

Un : -Bon, éwala, narilawé wassi wayili.

Deux : -O.k. bé rissoulawa havi ?

Un : -Wawé oussouvira ouvandré wa potro, na wani ni souvira ouvandré wa houmé.

Deux : -Harimoi chidza ini. Karissoujouwa amba ouvandré wa houmé dé havi awou ouvandré wa potro dé havi. Ouvandré wa houmé wangou dé ouvandré wa potro waho ; narindré ounbéli !…

Un : -Wawé daba.

Deux : -Nariliché rassoumainchané… afa zizo tsi problème zaho.

Un : -Né outsaha ourongwé trini vavo ?

Deux : -Iyo trongo ndzangou, rissindra tout droit.

Un : -Hounou, kavou chitrou ilo droit. Woho pia voichidza. Bon, nissindratou. Ca y est, tsi wono mlongo.

Deux : -Bouwa vavo.

Un : -Ourongwa, ndzouzouri rahana oufagna… Nissou zoungouha i poignée… Ca y est, tsi yi para, tsini mhononihangou !

Deux : -De toute façon, kaichindri oufagna chitrou mana ouvandré hounou, salon.

Un : -Tsi chougouli yangou ; koulahéli itso kawo, nitsonguia harimoi fouko languina : iyo né gningui bouéni. Kwoihéri bouéni.

Deux : -Ewa, pévo ndjéma…

Un : -Aaaahhh !… gnintsini !… Tsinguia mrabani amwéssa tsi pouliha ngamani.

(Suite au numéro de mardi)