Sa y fé pans à moin sak i espas aktièlman ek la politik é lo slogan « fé baraz ». Zordi, la veil zélèksion y di fo arèt avek RN, sa la pa bon, é pou dvré sa la pa bon mèm ! Solman si zot y agard bien, nana lontan zot lapré pass a nou lo RN kom in nafer lé normal. Rapèl à zot kan son lidèr, madame Le Pen la vni Isi moi d’mé. Li la pass télé kom in gran personaz politik. Parti kominis na poin lo droi pass télé mé à li wi. Li la mèm pass dann in lémision kréol pou fé in kari. Ou i parl si la intérèss do moun ! Navé poin méyèr piblisité ké sa pou li. Bann zagrikiltèr la accueil a èl bras ouverts. Dann télé, zot la di ké sé lo sèl politik là ékout à zot dann zéléksion lorop. Ziska, le GDIR la accueil à èl baya ! Sa té lo kou d’kouto la asèvé sa.

Lo groupe de dialogue inter-religieux i agi isi pou ké toute rolizion lé bien intégré. Le RN, son koté y di na in sèl rolizion lé aksèptab, sé lo kristianisme. Normaleman, le GDIR et le RN y manz pa in gran d’sèl avek, mé la, inn i ouve lot gran la porte.

Ben in moman doné nou kompran pi arien é afors tan aksèpt à li é fé kroi li lé in bon zafèr, domoun la fini par kroi vréman. Astèr y kri tir, mé lé in pé tar, falé pa zoué ek dofé avan. Rèzman zot roprésantan lé pa tro fité, rèzman. Nou kont dessi zot pou afébli zot prop parti, parse si té y kont dessi la télé é dé troi moun Isi na lontan nout poi té o fé. Mé kom Zistin i di, mi pense y fo donn à zot la parol pli souvan astèr.

Justin