Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Di sak na pou di

Kan in zanfan i sava : in pansé pou Shana

mardi 26 séptanm 2023, sanm Julie Pontalba


Nout tout mi pans, nou té bouleversé par lo drame larivé in zène zanfan Sin Dni.


Nou pé pa mèt a nou à la plas son paran. La soufrans perde in zanfan, en plis dann in ka konm sa, lé pa possib maziné.

Nou osi la fini arrive à nou lèss nout marmaye allé la kaz in kamarade san forséman konète lo kamarade en kestion. Nou fé konfians nout zanfan. Nou la pèr, bien sir, mé nou lèss, nou pans y fo lèss à zot viv zot vi é toute manir, na poin rien pou arrivé. Nou mazine nout propre zénès, Konbien bétise nou la fé, la pa ariv rien. Mé la sias na gro vante kitsonmonmon !

Ala kossa larivé. Shana, té po viv son vi, son paran lété la pou li, la ède a li dann son volonté émansip a li, mé en fasse navé in danzé person nar té gingn pansé. Ki noré maziné, dé marmaye, son laze, té i attann a li, pou tié a li ? Persone.

Kossa larivé pou dé marmaye là azi konm sa ? Nou koné pa. Y di zot té i garde in zé vidéo y apèl « Réal Crime », « crime réel » si ou i vé. Mêm kan wi agard in simp désin animé, na touzour la violens la dan, toute fasson. Pokossa CSA y lèss sa ? Nou koné pa. En rézon na bonpé zafer nou koné pa. Ess ké nou koné kossa nana dessi lo ti lékran ké lé dann la min nout marmaye ? Bien souvan nou koné pa. Sak nou koné sé, y fo nou protèze à zot, sans anprizone à zot, mé koman fèr ?

Lo drame larivé la mark nout tout. Nou adresse nout sincères et bien tristes condoléances son paran, son famy ek toute son lantouraze.

Julie Pontalba,
Pou Oté,
Zoinal Témoiniaze


Inn modékri, inn ti lavi, inn komantèr ?

signaler contenu


Facebook Twitter Linkedin Google plus