La salèr i bèz pou dovré. Zedi, Justin la fé in bon kozman dési lo problématik. Mé néna kèksoz mi conpran pi inmèrd. Na bon pé do moun i di, par koté Sintandré, koméla i fé pli so ké partou, é mwin la romark ké lé vré vréman. Dayèr zinformasyion météo i di sa osi. 32 -33-34° Sintandré, kant lézot koté lé pli ba.

Avansa té i koz bon pé Lo Por, Sinzil, Sinlwi. Mi pé konprann pou Lo Por, kominis la plant in sié do bwa partou. Mé lézot koté, non. Alor, akoz sa ?

Si mi suiv lo zanaliz Justin, dann mon tèt, mi pans alor ké pétèt dopi in pé d’tan, kom la fé in sié la kaz èk in sié zimèb dann Sintandré, épisa sirtou, la bétoné, la bétoné, la goudroné, tousa dawar néna in gran rol osi. In rol anparmi dot.

Antouka, in soz lé sir, dann Sintandré, la salèr i totoss, i totoss, i totoss. E Kom Justin mi asir azot « Sé pi in salèr, sé in fèr so » . In sèl zafèr, in sél solisyion i rét, i fo kominis, kominis pou dovré, i rant Sintandré pou plant do bwa partou.

Pol