Zèsklav Eli, Sin-Dni Larényion dann lané 1812

30 octobre 2007

Amoin Eli, “esclave du sieur Hibon”, amoin maron dépi lané 1807, èk tout mon bann dalon, zordi, dann tribinal katédral Sin-Dni, dann moi févrié 1812, konté nout tout lé mor. Pokoué ? Pars nou la désid arèt lo krime, blok sabouk lo mèt.

Dépi kèktan dann rogroupman “la Ravine du Trou“, dann saroyaz dolo po lo mèt, lèr bardzour i lèv, anou zèsklav bitasion, anou maron dann kèr, nou la mont in bob dann nout kartié kivi.
Dann nout kalbas, kaf bitasyon, zèsklav la pios, zèsklav an takon, tout kalité... Nou la fine kalkilé, sétin sèl group tèr la : anou. Cadoc, Célérine, Chéri, Zéphir, Mercure, Marie, Pierre Paul, Lof, Siquide, Augustin, Mamont... Dann nout ron, kafrine aou, kaf aou, kréol aou, Malgas aou, Malbar aou, nou té bonpé... dann kartié la, plis 5.000 zèsklav po sèrv 500 blan. Tèr la minm, néna méyèr randman po la koloni, dozième si lo ran.
Fransvérité “Mesdames Messieurs”, dann ron la, nou la pa kozé konm la mèr i bat.
Non baya ! Kozé po levé : « Arpran nout liberté, konm bann Zélindor la fé ! Tienbo séré, larg pa ! »

Zordi, mi koz dann tribinal katédral Sin-Dni, “Mesdames Messieurs”, la konpani, la kour. I di maron sa mafatanboi la koloni sa !

Jean, mon dalon. La di aou osi sétinn poizon. Banna la di aou minm komandèr la, si bitasion Maillot, anparmi lamenèr bann maron la. Aou minm lo promié zot la mèt la zol.
Jean : “esclave lettré et franscisé”, Tu dis “liberté”. Nou va di “maron”
Jean, aou minm banna i di “métis”. Ni port out fanal, zorkri kréol, zanfan la énèt dann viol. Lo viol, zèsklavazist la fé po li son “droi”. Lo blan i pil lo vant fanm noir : sé son droi. Lé marké dann Kod Noir la : Art.40 « Déclarons les esclaves être meubles ». Konmsa mimm i dépotol mansonzri blan la : mélanz-mélanzé, ala nout nasion fra batar !
“Anou valé, nout san mélé i dèf la “pureté” bann blan rasism la !” Na dèf sa, mon fra. Aou minm lo promié zot la mèt la zol.
Jean, banna la pèz aou atèr, ton lang gomé lo san toué la tenir, konmsa minm minm. Po pa fane plis ankor nout plan, lèr dézordaz bann trèt la komansé.

Trèt Figaro bon zèsklav la vand aou, la vand anou, la vand la kours.
“Mesdames Messieurs” la konpani, la kour...
Figaro, misioné, anvoyé li lété par son madame, son métrès la. Aou, Figaro “Cafre” “de la veuve Legrand”, toué la détak ton bous po arèt anparmi sad i gingn pa oir anou, anou bann mandaré, sové kogné.
Po ton trétriz nou toute i konèt, ki kalité fanafout banna fine kado aou : in bout la tèr dann troudbob, in papié po ton nouvo éstati dann sosiété rasist la-afransi-èk in bon monay toulézan (1.000 F.) “Ralèr lo trin la rèt pri si lo zin...” Figaro : anou nou lé mor, aou (ou pé di : “à moi”) “In kok in poul mwin néna, san golèt la tèr mwin napwin”.
May pi ! Figaro ardi ankor “mi yinm aou” ta gingn ton plas si ton zoréyé “dous dous kréoli”. Konmsa minm minm. Békabar ! “On n’imite pas les maîtres...”

Valé, nou la tonb valé in ti ninstan, lo tan i mèt “Jean o blok !”... Aprèsa, té falé dégaz vitman. Konm té fine désidé, Gilles, Jules, Prudent, Benjamin, Géréon, Evariste, Pierre Noël... sat té èm la vi ziska la mor, ziska la mor.... po nout droi, po la zistis.

Nou la déboul dann léba Sin-Lé. Nou la ral tout bann té i vé la liberté. Dann kroizé somin, nou la trouv lo son lansiv la bann bitasion Legol Sin-Loui. Nou lété bien 300 Cimandèf la done po levé dérièr in létandar paré : tèr la nou lété déza lib. 300 vavangèr vayan la mandar zot kouraz, zot fors po savir sistèm dominasion la. N’i té avans an frèr, dovan nout zié, dann milié somin parkoté “Lassandière”, nou la vi in lékip. Dot frèr somanké ? Non. Aou Vincent, aou Hercule... Tout sat té promié dovan : fiziyé !

Dann matrape “Lassandière”, po sèrv 25 groblan an misouk, la pa nout frèr nou la trouvé, mé in ponyé zèsklav po fé sanblan, zèsklav lo blan misioné. « C’est ici, messieurs, que nous leur souhaitons la bienvenue ». Sa mimm ou la di, Fougeroux mouské lo roi. Tèr la, Caprice mon frèr, dann out tonbé-levé, zist anvan Dejean lasasin la plant in bal dann ton tèt... zot la fé (mersi Bondié lo Sièl, mersi Bondié la Tèr) zot la fé ... ton baptèm krétien po ni in moune.
Nout bann la fané... dann lèr midi 300... 400... la ardéboulé, tanbouyé pli for.
Lo 11 Novanm 1811 bal fizi, la fé koul lo san, fanm, boug, té i tras somin po drès paviyon liberté.
Konbien lé mor ? Tèr la minm, dann péi lèsklavaz la pa konté, zot i kont pa domoun konsidéré konm zanimo, zot i batiz.

Vitman soman 130 rézistan zot la mèt dann blok. Astèr apiyé si zot loi ésklavazist kriminèl, zot i sa koup la tèt 30 anparmi sat la sobat po la Liberté.

Doulèr, malèr i fane arpa sad la fé, tèr la : “Viv nout solidarité !”

Eli.
Piès gatiré : « Nous ne leur parlons que de farine et de manioc... et nous leur disons quelques mots du fouet... Ce qu’il nous faudrait, à nous planteurs, c’est qu’ils n’eussent pas une seule idée dans la tête ». J.Arago, Souvenirs d’un aveugle. Voyage autour du monde pendant les années 1817, 1818, 1819 et 1820.

Signaler un contenu

Un message, un commentaire ?

Messages

  • Bonjour Eli,

    J’ai essayé de lire, et de relire plusieurs fois votre texte, et j’ai du mal à tout décrypter, mais ce n’est pas le plus important, car je comprends le sujet abordé : La révolte des esclaves de st-Leu, menée par Elie, mais également Jules et Prudent, du 5 au 10, et qui s’est terminée le 11 novembre 1811.

    C’est en effet une date qui mérite toute sa place dans l’Histoire de notre île, mais permettez que je reléve un de vos propos qui me semble inexacte, lorsque vous parlez de "groblan", en tant qu’esclavagistes : Il est utile de savoir que parmi ceux-là, beaucoup, et peut être tous d’ailleurs, avaient des ancêtres de toutes origines, et pas seulement européennes. Il en est de même pour ce qui est des préposés à la recherche d’esclaves en fuite, surnommés les "chasseurs de marrons".

    Il est bon de comprendre que notre Histoire posséde une singularité qui n’existe peut être pas en d’autres lieux : La population réunionnaise est une population métissée dés ses premiers fondements, et qui sait, si en parcourant votre propre généalogie, vous n’y trouverez pas également des esclavagistes.

    Ces précisions me semblent utiles, car je crois que nous n’avons rien à gagner à rechercher la stigmatisation de comportement d’ancêtres, bien au contraire, au risque d’être un jour mis au pied de réalités bien inconfortables pour soi-même, et surtout, à mon humble avis, préjudiciables, dans la quête d’une intelligence sociale commune, qu’il nous reste encore à conforter.

    Bien à vous,

    Voir en ligne : Souvenons-nous du combat des révoltés de 1811

    • N’i koz in lang kréol, gard dann diksionèr Kréol/fransé .... groblan sa po di bèl propriétèr, domoun na lo bien, na lo pouvoir. La pa son koulèr.
      Bien sir pèp rénioné "métis", "le mélange des peuples rend obsolètes les traits caractéristiques de telle ou telle race, et par conséquent, bouleverse l’organisation plantocratique... : la race " . Sa nout batarsité. Ek sa fo pa blié dann kèl kondision métisaz la, la énèt...fénomèn "fait’iches" iérasizasion rasial ; in lidéolozi.
      anpliskésa "le gouvernement colonial a introduit la race au coeur de la Nation française à un moment historique clé où nationalité et citoyenneté s’élaboraient....En ce sens les colonies apparaissent clairement comme un laboratoire où une certaine idée de la citoyenneté française -exclusive, restrictive et naturaliste- a été pensée et éprouvée." E.Dorlin La matrice de la race
      Pa la gèr la po fé, mié konèt nout Listoir lé inportan po dékoloniz zistoir noir/blan in linvansion , in matrap zordi ankor an 2007.

    • Bonjour Azani,

      Pourquoi parler de race, en mentionnant un bouquin de Dorlin (Connait pas : pas le type d’ouvrage que je risque de lire...), quand nous savons qu’elle n’existe pas ? Pourquoi parler de couleur de peau, fût elle décrite dans un dictionnaire, quand nous savons qu’elle ne dépend que de notre propre perception de la lumière du soleil, et de celle de nos esprits ?

      Pourquoi s’arrêter aux visions passéistes d’une société injuste, quand nous avons à batir une société fraternelle et réunie ?

      Et de quelle invasion tu parles, quand nous savons tous qu’il n’y avait personne sur notre île ? De celle que l’être humain a commise avec la dépradation des environnements naturels qui existaient à l’origine, et que nous avons bousculé, pour ne pas dire piétiné, avec nos pitoyables désirs d’occuper les espaces, et de revendiquer la moindre parcelle de la nature, à notre profit, et au détriment de tout le monde ?

      Construisons l’avenir avec un minimum d’espérances raisonnables, pour un mieux-vivre ensemble : Nous toute ensemb !

      L’est pas meilleur lo fra ? Ca même nous l’a besoin non ?

      Salaam

    • Monsieur

      Il faut se rendre à l’évidence il n’y a pas de malentendus il n’y a que des malentendants. Vous ne comprenez pas lorsqu’on vous parle en créole...vous ne comprenez pas ce qui est dit en créole. Vous croyez comprendre. On répète "gro blan" n’est pas affaire de couleur, voyez le dictionnaire français/kréol pour la définition.
      E.Dorlin a travaillé sur la construction d’une" théorie scientifique" : la race. Comment l’Occident a construit ce mensonge ...qui a inventé la couleur Blanc ? Noir ? Et puis vous inventez...invasion vous dites ? qui a parlé d’invasion ? Relisez ( oui c’est en créole...) . Et puis ne nous parlez plus d’amour universel "mon fra" , justice est le mot qui nous va mieux à cette heure.

  • Article intéressant !
    Cependant, ll y a des inexactitudes historiques, par exemple, quand on parle des esclaves malbar. Or, la révolte de Saint-Leu date du début des années 1800, et l’engagisme a commencé après l’abolition de l’esclavage. Encore une tentative de voler au Cafre son rôle essentiel dans la construction de ce pays - à travers son statut d’esclave.
    S.M. 

    • zèsklav malbar navé dann révolt sin-lé ; pa in bon pé lé vré ( 6% i di aou P.EVe) Navé konmsa minm Mamont, "esclave indien de M.Quiclet" ; dann bann papié intérogatoir i rèt , i trouv la tras sat la partisipé. ADR, BL, 274

      Bann Kaf pli nombré sa lé vré.
      Zèsklav malbar navé dépi lontan dann Bourbon...n’i vol pa rien... "d’où nous vient ce goût de faire bande à part ?" B.Gamaleya. N’i rèt valé monsié S.M par out lakizasion. La pa vré sat ou di.

Témoignages - 82e année

+ Lus


2026 Témoignages