Médame, Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mon bande dalon, mwin lé sirésèrtin zot la fine antande in kozman konmsa dann zot vi-si zot la pa nkor antande , mark ali dsi zot karné, pou lo ka k’in zour in moune i difize azot konmsa.

Pou kossa ? Pars toute demoune lé pa adroi parèye épi pars in mèm moune suivan son dogré d’form lé adroi in zour, maladroi in n’ote.la vi lé konmsa , demoune lé konmsa : nou la pa in bande robo, pars mashine-la i fé in n’afèr toultan parèye é nou bande umin, nou lé pa kapab fé sa.

I fé arien, nou sé nou é robo osé robo, même si sé nou ké la fabrike ali.Sèl zafèr,sé k’in zour in robo i gingn la parol é li fé anou in mové romark.

Alé ! mi kite azot rofléshi la dsi é ni rotrouv pli d’van.

Sip étadyé.