Kan i di in n’afèr konmsa, sa i vé dir léspoir lé minss, kaziman égal zéro. Kissoi in larzan wi atann in moune i doi aou.Kissoi in léré zévènman ou l’apré atann mé i ariv ar pa. Konte déssu mé fyé pa tro ; léspoir i fé viv lé zinbéssil. Mé lé pa défandu kroir mirak, pars i paré tazantan sa i ariv.

Mi rapèl, étan pti-zorèye fourné- mwin té i ékoute bann gran pèrsone é té i anparl souvan zistoir larzan i doi épi i ranbourss pa pars la pèrssone lé konu konm brilèr… For pou anprété pa for pou rann. Limanité lé divèr épi varyé.

Konfyanss la parol doné ! Sa lé sakré, sa lé konm in loi pou in pé mé pa pou toulmoune malorèzman…mi kite azot rofléshir la ds é ni retrouv pli dvan, sipétadyé..