Mézami, mi panss mwin la fine anparl kozman-la ;

I fo dir dopi lo tan mi parl bann kozman kréol pou la plipar, i ariv amwin fèr plisk’in répétission.Dizon mi di sa pou sak la lir ali gingn fèr la koéssanss avèk kozman-la.

Promyé foi mwin la kroiz kozman-la sé kan mwin lété bord’mèr é l’avé in grn kong alonzé dsi la sab é konm mwin téi domann si lété ankor vivan in jenn péshèr la diamwin, mwin na ka pèz dsi la ké pou oir si la tète i bouz. Mé an parmi l’avé in vyé péshèr la di konmsa sa i vé pa dir arienk sa émwin la poz amwin késtyon é mon késtyon l’amenn amwin a kalkil dann kèl ote ka i pé ansèrv in kozman konmsa.

In zour mwin la panss in n’afèr kriminèl . Bann poliss lété apré intéroz lo koupab sak zot téi kroi é lo moune téi avoué pa son krime ziskatan ki di ali.Mé madam la lé lour sa koman ou la fé pou porte ali dopi déyèr laba ziska issi. Lo boug la réponn mwin la pa porte ali, mwin la pouss ali dann brouète… Lo boug té pri dan la kol. Mé in n’afèr konmsa lé possib fèr dann in sityassion mwin danzéré, biensir..

Alé ! mi kite azot rofléshir la dsi é ni retrouv pli dvan,sipétadyé.