Mézami, mi koné pa si kozman-la i di azot in n’afèr, sansa i di pa, si zot i konpran ali otroman si zot i konpran pa, si zot i ansèrv sa dann zot konvèrsassion osinonsa si zot i ansèrv pa. Antouléka sa i fé dé zané mi antann ali é pou mwin sa la zamé fé avanss in moune, ni in famiye, ni in group demoune, ni in péi.

M’anfou, pou son par, sanm pou mwin sa i sone konm in rofi pou prann la vi o sèryé, pou antroprann in n’afèr kissoi pou progrèss dan la vi, kissoi pou lanss aou dann in prozé pou fé in pa an avan… Défoi i ariv ou lé dann in sityassion ou lé prèss blizé koz konmsa pars ou la pwin la possibilité fé antann aou otroman, mé mioi sa konm in réakssion plito négatif ké pozitif.

Mézami kozman-la sa lé fé pou in moune konm pou in group, osinonsa konm in péi. A bien oir kozman-la li pé mète anou dann shomin lo progré konm pa-défoi oui, défoi non. Sé pou sa mi invite azot rofléshir la dsi é ni retrouv pli d’van sipétadyé.